Ano ba ang EDSA?

Ano ba ang EDSA? Naaalala mo pa ba?

Ang Rebolusyong EDSA 1986 ay nagturo sa atin ng maraming bagay. Pinatunayan nito na ang demokrasya ay makikita sa ating bansa. Ibig sabihin, nasa taumbayan angkapangyarihan ng estado. Ang kapangyarihan ng mga tao ay mas malakas kaysakapangyarihan ng pinuno. Ang isang pinuno ay walang silbi kung nawala na sa kanya angtiwala ng mga tao.Responsibilidad ng pamahalaan na pagsilbihan ang mga tao, ang magbigay para sakanilang mga pangangailangan at ang magdesisyon kung ano ang nakabubuti para sakanila. Kung nabigo ang pamahalaan na tugunan ang mga responsabilidad at sa halip namaging tagapagsilbi sa mga tao, ay siya pang pinagsilbihan, darating ang panahon namawawala ang kontrol nito sa kanyang mga tao. At kukunin ng mga tao ang lahat ngkapangyarihan at awtoridad na ipinagkatiwala nila sa pamahalaan.Natutuhan mo sa mga nakaraang aralin na ang panahon ng batas militar ayitinuturing na pinakamadilim na bahagi sa kasaysayan ng ating bansa. Mangyari’y angpanahong iyon ay puno ng sindak at sakit. Maraming tao ang nagdusa sa mga pang-aabuso ng militar. Ngunit ang panahon, tulad ng ibang pagkakamali o negatibongpangyayari, ay maaaring matandaan sa paraang positibo. Ibig sabihin, natututo tayohabang tayo’y nagpapatuloy. Kung hindi tayo nagkakamali o hindi natin batid nanagagawa natin ang mga pagkakamali, hindi tayo kailanman matututo. Ang mgakalupitang dinanas ng mga Filipino sa panahong iyon ay nagpagising sa damdamingmakabayan sa kanila. Dahil sa mga pagdurusa ng mga tao, naisip nila na mayroonsilang mga karapatan, at ang mga karapatang ito ay kailangang igalang. Sa panahongiyon, nakilala ang mga bagong mga bayani tulad ni Ninoy Aquino, kung saan angkamatayan niya ang nagtulak sa mga Pilipino na maisip na ang kalayaan ay karapat-dapatpag-alayan ng buhay.

 Sa nakalipas na panahon mula noong1986 hanggang ngayon, wala paring matibay na dahilan upang ibaon natin sa limot ang EDSA Revolution, dahil hindi rin ito isang programa sa komputer na agad nabubura. Marahil wala tayo noong mga panahong iyon at hindi tayo nakibahagi sa protestang iyon. Bilang isang Pilipino, tungkulin natin na alamin at tuklasin ang mga kaganapan sa Pilipinas.Totoo na magpahanggang sa ngayon, pagkatapos ng maraming taon ng pagkakaganap ng People Power ay napakarami pa rin ang kinakaharap na suliranin ng Pilipinas, nariyan na insureksiyon, kawalan ng trabaho, mga natural na kalamidad, pagtaas ng presyo ng mga bilihin at maraming pang iba. Ang mga ito ay nagsisilbing mga palatandaan na ang pakikibaka ng Pilipino sa EDSA ay hindi pa natatapos. Ang pagkakaganap ng EDSA Revolution noong 1986 ay unang hakbang pa lamang tungo sa pagkakamit ng isang progresibo, mapayapa, at maunlad na kinabukasan para sa mga Pilipino. Dapat ay lagi nating isaisip ang diwa ng EDSA upang lalo pa tayong magkaisa at magbigkis para makamtan ang hinahangad nating kaunlaran. At sa pakikipagtulungan at kooperasyon ng mga karatig-bansang mapagmahal sa kapayapaan at kaunlaran na gaya ng Tsina, sama-sama nating harapin ang hamon ng bagong panahon. Muli nating ipakita sa mundo na magwawagi ang Pilipino, sa pagkakataong ito, laban naman sa kahirapan. Alam nating lahat na ang kahirapan ang isa sa mga problema ng ating bansa at lalo na ang lumalaking populasyon. Kaya't bilang Pilipino kailangan din nating tulungan ang ating bansa tungo sa kaayusan at matiwasay na pamumuhay.

Maraming Salamat at Mabuhay ang Pilipinas!